असोज १९ गते । नेपाली राष्ट्रिय क्रिकेट टोलीका प्रशिक्षक पुबुदु दासानायकेले राजीनामा दिनुभएका छन् ।
प्रशिक्षक दासानायकेले नेपाल क्रिकेट सङ्घ (क्यान) का कार्यवाहक महासचिव उत्तमकुमार कर्माचार्यलाई आफ्नो राजीनामा बुझाउनुभएको हो ।
सन् २०११ देखि नेपाली टोलीका श्रीलङ्काली मूलका क्यानेडाली नागरिक प्रशिक्षक दासानायकले व्यक्तिगत कारणले राजीनामा दिनुभएको बताइएको छ ।
उहाँकै प्रशिक्षणमा नेपालले सन् २०१४ को मार्चमा बङ्गलादेशमा विश्व ट्वाण्टी–२० विश्वकप खेलेको थियो । यो क्रिकेटमा मात्र नभएर नेपाली खेलकूदकै अहिलेसम्मकै ठूलो उपलब्धि हो ।
राजीनामा दिएपनि अर्को महिना युएई पपुवा न्युगिनीविरुद्ध हुने विश्व क्रिकेट लिग च्याम्पियनसिपको एक दिवसीय खेलसम्म दासानायकेले नेपाली टोली हेर्ने क्यानले जनाएको छ । रासस
No comments:
Post a Comment