​रसायनशास्त्र तर्फको नोबेल पुरस्कार तीन जना वैज्ञानिकलाई

एजेन्सी, २० असोज । 
रसायनशास्त्र तर्फ यस बर्षको  नोबेल पुरस्कार डिएनए सुधारका लागि गरिएको महत्वपूर्ण आविष्कार गरेको भन्दै तीनजना वैज्ञानिकलाई संयुक्तरुपमा दिइने भएको छ ।

स्वीडेनको स्टकहोममा भएको पत्रकार सम्मेलनमा टोमस लिनदाल, पल मोडरिक र एजिज स्याङ्गसरलाई सो पुरस्कार दिने घोषणा गरिएको हो । ती वैज्ञानिकले क्षति पुगेका डिएनएलाई पुर्नजार्गित गराउन तन्तुले अपनाउने विधिको पहिचान गरेका थिए ।

सो विधि क्यान्सरको उपचारमा महत्वपुर्ण सावित भएको छ । नोबेल पुरस्कार विजेता तीन वैज्ञानिकले संयुक्तरुपमा ८० लाख स्वीडिस क्रोनर पाउने भएका छन् ।