२० असोज । उच्च माध्यामिक शिक्षा परिषद्ले कक्षा १२ को मानविकी, व्यवस्थापन र शिक्षा संकायको नतिजा आज सार्वनजिक गरेको छ । यसपटक नियमित तर्फ १ लाख ६१ हजार ४ सय ५८ मध्ये ६४ हजार ५ सय ६७ जना अर्थात ३९.९९ प्रतिशत परीक्षार्थी उत्तीर्ण भएको परिषदले जानकारी दिएको छ ।
यसैगरी नियमिततर्फ १ सय २१ जनाको परीक्षा रद्द र २ जनाको स्थगित गरिएको छ ।
परिषदका अनुसार आंशिक तर्फ १ लाख ३९ हजार ८ मध्ये ४१ हजार ९ सय २६ अर्थात् ३२.४९ प्रतिशत परीक्षार्थी उत्तीर्ण भएका छन् । उत्तीर्ण मध्ये ११ परीक्षार्थीको स्थगित र १ सय ८ जनाको परीक्षा रद्द गरिएको छ । गत वर्ष जेठ/असारमा लिइएको परीक्षाको विज्ञान संकायको परीक्षाफल भने यसअघि नै प्रकाशित भइसकेको छ ।
